Fasnacht 2018

 

Als Söldner diräkt usem heisse Ägypte uf Lozärn…..

Be üch gäbs en Uftrag ond dä möchid mer gärn.

 

De Fritschi ond sini Fritschene selled mer be üch bewache…..

För das semer die rechtige wel mer ghöred jo ned zo de Schwache.

 

Üs esch zo Ohre cho dass är a dere Fasnacht üche König wär……

Als KINGS GUARD fallt üs sini bewachid drom au ned schwär.

 

Be üs im alte Ägypte geds nämli nöm so cheibe vel z’tue…..

Die alte Könige send alli tod ond drom herscht det grossi rueh.

 

Mer gniesseds mol weder onder de läbige ome z’longere.....

Ged secher s’einte oder andere das mer ned müend verhongere.

 

Mer lueged uf üchi Gasse öb au alles tued suber laufe…..

Hend Freud ond tüend fliessig Kafi Schnaps ond Teeli chaufe !!!